நான்கு ஆறுப் பகுதிகளுக்கான வெள்ள அபாய எச்சரிக்கை நீக்கம்!
நீர்மட்டம் வழமைக்குத் திரும்பியதைத் தொடர்ந்து, நான்கு ஆற்றுப் பகுதிகளுக்கு விடுக்கப்பட்டிருந்த வெள்ள அபாய எச்சரிக்கைகளை நீர்ப்பாசனத் திணைக்களம் நீக்கியுள்ளது.
இன்று (16) பிற்பகல் 3.00 மணிக்கு வெளியிடப்பட்ட அறிவிப்பில் இந்த விடயம் தெரிவிக்கப்பட்டுள்ளது.
இதன்படி, கீழ்க்கண்ட ஆற்றுப் பகுதிகளுக்கான வெள்ள அபாய எச்சரிக்கைகள் நீக்கப்பட்டுள்ளன.
1. கிங் கங்கை
2. அத்தனகலு ஓயா
3. களுகங்கையின் குடா கங்கை உப ஆற்றுப் பகுதி
4. நில்வள கங்கை
இதேவேளை, நாட்டின் பல்வேறு பகுதிகளிலும் நிலவும் மழைவீழ்ச்சி நிலைமைகள் மற்றும் ஆறுகளின் நீர்மட்ட மாற்றங்கள் தொடர்பில் நீர்ப்பாசனத் திணைக்களத்தின் நீரியல் மற்றும் அனர்த்த முகாமைத்துவப் பிரிவு தொடர்ந்தும் கண்காணித்து வருவதாகத் தெரிவிக்கப்பட்டுள்ளது.
மேலும், மீண்டும் வெள்ளப்பெருக்கு ஏற்படும் அபாயம் உருவானால், முன்கூட்டியே எச்சரிக்கை விடுப்பதற்குத் தேவையான நடவடிக்கைகள் தயார் நிலையில் உள்ளதாகவும் திணைக்களம் குறிப்பிட்டுள்ளது.