நுவரெலியாவில் உணவகத்தில் தவறவிடப்பட்ட கைப்பையை எடுத்துச் சென்ற பெண் – பொதுமக்களின் உதவியை நாடும் பொலிஸார்

arvloshan.com

நுவரெலியா நகரிலுள்ள உணவகம் ஒன்றில் மாணவி ஒருவர் தவறவிட்ட கைப்பையை மற்றொரு பெண் எடுத்துச் சென்றதாகக் கூறப்படும் சம்பவம் தொடர்பில் நுவரெலியா பொலிஸார் விசாரணைகளை முன்னெடுத்து வருகின்றனர்.

பிரித்தானியாவில் உள்ள பல்கலைக்கழகம் ஒன்றில் கல்வி பயிலும், ஹட்டன் பிரதேசத்தைச் சேர்ந்த மாணவி ஒருவருக்குச் சொந்தமான கைப்பையே இவ்வாறு எடுத்துச் செல்லப்பட்டுள்ளது.

குறித்த மாணவி, தீபாவளி பண்டிகையை முன்னிட்டு ஹட்டனுக்கு வருகை தந்திருந்த நிலையில், கடந்த 09ஆம் திகதி தனது குடும்பத்தினருடன் நுவரெலியாவுக்குச் சுற்றுலா சென்றுள்ளார்.

இதன்போது, நுவரெலியா நகரின் மத்தியிலுள்ள உணவகம் ஒன்றில் குடும்பத்தினருடன் மதிய உணவு உட்கொண்ட அவர், தனது கைப்பையை இருக்கையில் வைத்துவிட்டு, அதனை மறந்த நிலையில் வீடு திரும்பியுள்ளார்.

மறுநாள் மீண்டும் குறித்த உணவகத்திற்குச் சென்று கைப்பை தொடர்பில் விசாரித்தபோது, அங்கு வருகை தந்த மற்றொரு பெண் கைப்பையை எடுத்துச் செல்லும் காட்சிகள் உணவகத்தின் கண்காணிப்பு கமராவில் (CCTV) பதிவாகியிருந்தமை தெரியவந்துள்ளது.

குறித்த கைப்பைக்குள் மாணவியின் இலங்கை தேசிய அடையாள அட்டை, பிரித்தானிய வங்கி அட்டைகள், விசா அட்டை, பல்கலைக்கழக அடையாள அட்டை மற்றும் 50 ஸ்டேர்லிங் பவுண்கள் பணம் ஆகியன இருந்துள்ளன.

இச்சம்பவம் தொடர்பில் பாதிக்கப்பட்ட மாணவி நுவரெலியா பொலிஸ் நிலையத்தில் முறைப்பாடு செய்துள்ளார். இதனையடுத்து, சந்தேகத்திற்குரிய பெண் மற்றும் அவரது குடும்பத்தினர் நுவரெலியா பகுதியில் பயணித்தமை தொடர்பான மேலதிக சிசிடிவி காட்சிகளையும் பொலிஸார் சேகரித்து விசாரணைகளை முன்னெடுத்து வருகின்றனர்.

இந்நிலையில், குறித்த பெண் தொடர்பில் ஏதேனும் தகவல்கள் தெரிந்தால், கீழே குறிப்பிடப்பட்டுள்ள தொலைபேசி இலக்கங்கள் ஊடாக நுவரெலியா பொலிஸாருக்கு அறிவிக்குமாறு பொதுமக்களிடம் கோரிக்கை விடுக்கப்பட்டுள்ளது.

இதற்கிடையில், கைப்பையிலிருந்த பணம் தனக்குத் தேவையில்லை எனத் தெரிவித்துள்ள மாணவி, அதிலுள்ள முக்கியமான ஆவணங்களை மாத்திரம் மீள ஒப்படைத்தால், பொலிஸ் நிலையத்தில் செய்த முறைப்பாட்டை மீளப் பெறுவதற்கு நடவடிக்கை எடுப்பதாகக் குறிப்பிட்டுள்ளார்.

கல்வி நடவடிக்கைகளுக்காக விரைவில் மீண்டும் பிரித்தானியாவுக்குச் செல்லத் திட்டமிட்டுள்ளதால், கைப்பை தவறுதலாக எடுத்துச் செல்லப்பட்டிருந்தால் அதிலுள்ள அத்தியாவசிய ஆவணங்களைத் திருப்பி ஒப்படைக்குமாறும் அவர் உருக்கமாகக் கோரிக்கை விடுத்துள்ளார்.

இது தொடர்பில் தகவல் தெரிந்தவர்கள் பின்வரும் தொலைபேசி இலக்கங்கள் ஊடாக நுவரெலியா பொலிஸாரைத் தொடர்புகொள்ள முடியும்.

- நுவரெலியா பொலிஸ் நிலையம்: 071 859 1097
- தொலைபேசி: 052 222 2222


ஏனைய செய்திகள்

arvoshan.com

இலங்கையில் முதன்முறையாக பிரெயில் முறையில் வெளியிடப்படும் சிறுவர் பாதுகாப்புச் சட்டம்!

...

arvoshan.com

மிரிஸ்ஸாவில் துப்பாக்கி மற்றும் ஐஸ் போதைப்பொருளுடன் சந்தேகநபர் கைது!

...

arvoshan.com

3.11 மில்லியன் ரூபா மேலதிக நேரக் கொடுப்பனவு மோசடி – ஆனந்த பாலித கைது!

...

arvoshan.com

கொழும்பு செல்ல ஹட்டனில் நீண்ட வரிசையில் காத்திருக்கும் பயணிகள்

...

arvoshan.com

அனர்த்த முகாமைத்துவத் திட்டங்களை மீளாய்வு செய்யுமாறு ஜனாதிபதி பணிப்பு

...

arvoshan.com

இலங்கையை விட்டு விலகிச் செல்லும் ஆழ்ந்த காற்றழுத்தத் தாழ்வு மண்டலம் – தீவிர புயலாக வலுப்பெற வாய்ப்பு

...

arvoshan.com

நீதிமன்ற அவமதிப்பு குற்றச்சாட்டு: விமல் வீரவன்சவுக்கு மீண்டும் அழைப்பாணை

...

arvoshan.com

இலங்கையில் மேலும் மூன்று அரசியல் கட்சிகளுக்கு தேர்தல்கள் ஆணைக்குழு அங்கீகாரம்!

...

arvoshan.com

நான்கு ஆறுப் பகுதிகளுக்கான வெள்ள அபாய எச்சரிக்கை நீக்கம்!

...

arvoshan.com

அநுராதபுர புனித நகர அபிவிருத்தி: குடியிருப்பாளர்கள் வெளியேற்றப்படமாட்டார்கள் – பௌத்த பிக்கு உறுதி

...

arvoshan.com

காலி கோட்டைப் பகுதியில் பாறைகளுக்குள் சிக்கிய கடல் ஆமையை மீட்ட பொலிஸார்!

...

arvoshan.com

நீதிமன்றத்தில் முன்னிலையாகத் தவறிய பௌத்த பிக்கு; நாளை வரை விளக்கமறியலில்

...

arvoshan.com

கவந்திஸ்ஸ யானையின் உயிரிழப்பு தொடர்பான விசாரணையை தாமதப்படுத்துவதாக அரசாங்கம் மீது எதிர்க்கட்சி குற்றச்சாட்டு

...

arvoshan.com

ஐந்து மாவட்டங்களில் எலிக்காய்ச்சல் பரவும் அபாயம் – சுகாதார அதிகாரிகள் எச்சரிக்கை!

...

arvoshan.com

எரிவாயு விலை அதிகரிப்பு தொடர்பில் LAUGFS நிறுவன அதிகாரிகளிடம் விசாரணை

...