எரிவாயு விலை அதிகரிப்பு தொடர்பில் LAUGFS நிறுவன அதிகாரிகளிடம் விசாரணை
உள்நாட்டு எரிவாயு விலைகள் அண்மையில் அதிகரிக்கப்பட்டமை தொடர்பில் விளக்கம் கோருவதற்காக LAUGFS Gas நிறுவனத்தின் பிரதிநிதிகளை நுகர்வோர் விவகார அதிகாரசபை (CAA) அழைத்துள்ளது.
இதற்கமைய, அதிகாரசபையின் அழைப்பின் பேரில் LAUGFS Gas நிறுவனத்தின் பிரதிநிதிகள் குழுவினர் இன்று (16) அதிகாரசபையில் முன்னிலையாகினர்.
எரிவாயு விலைகளை அதிகரிப்பதற்கான காரணங்கள் குறித்து விளக்கம் பெற்றுக்கொள்ளும் நோக்கில் இந்த அழைப்பு விடுக்கப்பட்டுள்ளதாக தெரிவிக்கப்படுகிறது.
LAUGFS Gas நிறுவனம் கடந்த நவம்பர் 13ஆம் திகதி நள்ளிரவு முதல் உள்நாட்டு எரிவாயு விலைகளை அதிகரித்திருந்தது.
இதன்படி, 12.5 கிலோகிராம் எடையுடைய உள்நாட்டு எரிவாயு சிலிண்டரின் விலை 6,740 ரூபாவாக அதிகரிக்கப்பட்டுள்ளது.